Գտնվել է շատակերությունը հաղթահարելու միջոց

Մարդիկ, որպես կանոն, ավելի շատ են ուտում, երբ շեղվում են: Գիտնականները, սակայն, գտել են միջոցը, թե ինչպես հաղթահարել անիմաստ շատակերությունը: 

Նիդերլանդների համալսարանում իրականացված հետազոտությանը մասնակցել է 18-35 տարեկան ավելի քան 50 կամավոր: Հետազոտությունն իրականացվել է տեսանյութեր դիտելն ու ճաշ ուտելն ուսումնասիրելու միջոցով և տևել է երեք շաբաթ:

Առաջին օրը կամավորները պետք է ճաշը ուտեին փոքրիկ կումերով: Երկրորդ օրը կումերն ավելի մեծ են եղել: Երրորդ օրը կումերը կարող էին ազատ լինել:

Բոլոր երեք դեպքերում մարդիկ կարող էին կանգ առնել և դադարեցնել ուտելը, եթե հագեցածություն զգային: Արդյունքները ցույց են տվել, որ մարդիկ 30%-ով ավելի շատ ճաշ են կերել, երբ դա արել են մեծ կումերով: Ընդհանուր առմամբ, եթե նրանք կենտրոնանում էին սուպի համի վրա, այլ ոչ թե ֆիլմերի, արդյունքում ավելի քիչ են կերել: 

Բացի դրանից՝ մարդիկ, ովքեր մեծ կումերով են կերել, չեն գնահատել, թե որքան շատ սնունդ են կուլ տվել: 

Այս կերպ գիտնականները կարողացել են գալ այն եզրակացության, որ փոքրիկ կումերն ու պատառները կարող են նվազեցնել շատակերությունը և ճարպակալման վտանգը:

Բանն այն է, որ փոքրիկ կտորներն ուտելու համար նույնքան էներգիա է պետք, որքան խոշոր չափաբաժինների համար: Միաժամանակ, շատերը, ովքեր մասնակցել են հետազոտությանը, ընդունել են, որ իրենք ուղղակի ձանձրացել են ճաշը փոքրիկ գդալներով ուտելուց, բայց հետո ավելի վաղ են հագեցածություն զգացել: Ըստ էության, հագեցածությունն իրականում ավելի վաղ է գալիս, քան զգում են մարդիկ: Որպեսզի զգաս այդ պահը, պետք է ուտել փոքրիկ կտորներով և կումերով: 

Հարցեր, պատասխաններ, մեկնաբանություններ